هذي خصالي. لـ مسلط بن شعيفان

هذي خصالي - مسلط بن شعيفان

ياامير انا عندك حشيم وغالي
ولاحب انا شي يمس الكرامه

نفسي تروم المرجله والعوالي
هذا هدف نفسي وهذا مرامه

تاجرت في باب الشكاله بمالي
بعت الرخامه واشتريت القرامه

انا مهبول وجايز لي هبالي
وهبال طيب ولا صحاوة رخامه

هذي تفاصيلي وهذي خصالي
يقوله اللي مازهف في كلامه

ان جزت لك فانا الرفيق الموالي
وان عفتني مسموح ومع السلامه

دور وتلقالك رفيق بدالي
وكل يبي رفقتك ترفع مقامه

وانا مقامي من عزيزالجلالي
للعز عنوان وللمجد هامه

معنز مابين جدي وخالي
مانيب من زرقان ساحل تهامه

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.