سلام للهيلا تحيه و تقدير
معه الورود الفايحات النديه
سلام لا قلته وجاوبني النير
تصفق له جبال السراة التحيه
سلامً اصفى من حليب المغاتير
لاربعت بديار نجد العذيه
ينصاك ياملفى الجموع الطوابير
ياللي مع الاجناس ماشفت زيه
بالطيب من يجهلك ياسالم الزير
يالحاتمي راع اليمين السخيه
لا والله الا مايجي مثلك الزير
ومن فوق جود الحاتمي مع خويه
ضلعٍ رسى مازعزعته الاعاصير
يشبه جبال طويق بالعارضيه
ريفٍ لبرقا فالليال المعاسير
لاهبت رياح الشمال العتيه
و نوه على الروقه مزونه مناثير
بالجود جود وبالحميه حميه
بحر الكرم بالفعل ماهيب تزوير
تاجٍ على روس القبيله سويه
من رأس عودً ماحسب المخاسير
هذا منير وصعب نلقى حليه
إحدى عشر بيتٍ على غير تأخير
قد قلتها والرب يشهد عليه
الاوصوتٍ يصفق الارض ويطير
ويلعب على الطاروق حيا و حيه
وقفت مذهولٍ ولاادري وش يصير
اسمع صدى صوتٍ جذبني دويه
واللي حفظته منه من دون تفكير
بيتين والثالث تتمه يديه
يقول لصحاب الذهب و الدنانير
تبت يداكم تب صبح وعشيه
ان كان جبتوبه بناتٍ غنادير
ولا جالكم مثله عساكم فديه
ماقلتها طامع ولاحتاج تبرير
من روق ليابرقا تسما حميه
تمت وصلو عد وبل الشخاتير
على النبي المختار خير البريه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.