الشوق مبطي. لـ محمد رشيد

الشوق مبطي - محمد رشيد

وشلون مغليك يا منور لي سنيني
حتى حياتي خسارة عمري بدونك

يعني أنا في غيابك ميت أحييني
ما يكفي اني مسمي نفسي مجنونك

علام قلبك غدى قاسي وناسيني
حبيبي هي وينها بس لهفة عيونك

تغيب والشوق مبطي لاعب فيني
مشاعر ما طواها قلب مضنونك

حبيب قلبك ابي دايم تسميني
وانا ما غير القمر بقول يسمونك

في طلتك منهو غيرك ساحر عيني
الناس والله علي زينك يحسدونك

شكيتلك والبشر في الليل ممسيني
صاين عهود الهوى من قبل لا اصونك

يلي بنار الهجر بالحيل تكويني
ياخذني الموت لو يطرالي اخونك

ليتك معي بالمنام ولا تصحيني
مابي عيوني تشوف الشمس من دونك

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.