يا حنا ربع لكن ماحن بخوان
قبلت العذر والا المقادير عذاره
لا بالله ماسجيت من شرة القيفان
لو أخذ سنه من مفرق الصين وأسواره
أنا الشاعر اللي فية عزم ومعاه السان
ولا تفشل عزومه الا طال مشواره
أنا الله خلقني انسان وابغي اموت انسان
على دالهين القلب تفرق به أذكاره
وياهل الجوف ياللي مانكر طيبكم عبلان
نهار يضيق الرجل من ربطة ازواره
أحب الهواجر حب سلطان للعجمان
لكن صاحبي سلطان نيته بواره
ياسلطان الا من مات ضيدان ابن قضعان
بكينا دمع ومنك تاره ولي تاره
لكن خايف ان تموت وابيك ياكحيلان
الى مت ماتلقى من الناس قباره
بعير البدو برك بك العام في المرحان
حدثه الليالي والصواديق رواده
لو انك خذيت العلم من هدهد سليمان
ماسقت المدايح عن شيخ طفت ناره
عداك الملام وصاحبك ماهو بغلطان
ابو مطرقه حده على الراس مسماره
بعير البدو ماتكره الدوج في المرجان
مدام السهم تضرب وتر عدله مطاره
ياسلطان ترى بشتن ماتدفابه البردان
مانبغية في الغيظ الكلبين وغباره
لو انه جديد ويتدلى على الذرعان
انا اقول شرايه خسر فية ديناره
الا بالله والشيخان تفرق عن الشيخان
ياصلاحه البشوق قباله الطاره
وانا ان وصلت وطول الله عمر حمدان
اسووق القدم ومهبل الناس محتاره
مطرهم مثل وصف البدر همهمه خلان
سرى ليلهم والنفس بالسوء أماره
ولا يعرفون الجار ومقاصر الجيران
هذا ساكن داره وهذا ساكن بداره
ولا عندهم قلط ولا وش علوم فلان
ولا ياخذ اخبارك ولا تاخذ أخباره
حداهم لو هتلر مجاوره بالبيان
قضى العمر كله كن هتلر ماهو بجاره
وعلى قوله ابن شريم في بيته المليان
وانا اقدر ابن شريم وقدر اشعاره
الا صحت يا أهل البيت بمعزب الضيفان
قالوا عش روحك يشبع الطير منقاره
ياسلطان لا تبطون تكفون ياسلطان
لو احجز لكم على حساب القلب طياره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.