جمّع اللي ودك تقوله وبعثرني عتب
الملامه شي عادي دامها منك وجاي
أنت تامر وأنا ألبي ما تبي بليّا سبب
بس كان لجيّتي خاطر تلبي لي رجاي
رجوتي لا تلحق اعيونك مشاريه ض الهدب
لا تضايقه بدموعك والتفاتتك وخطاي
كل شي الا دموعك واعرف انك من شطب
صفحة الطيش بحياتي وابتدا صفحة شقاي
سق فديتك كل ما تملك من جنون وغضب
وابشر بصدرٍ يضمك حيل دام انك هواي
ولا رويت عتاب ناظرني وقل طاح الحطب
واسأل شرايك وابنسج لك من الأعماق راي
باتناثر لك رضا واحساس صادق ما كذب
وأنت رتّبني على كيفك وشكلني برضاي
وان تلعثم حضورك ثم نطّقني لك ض تعب
حاول انك تسمع أشواقي وسط تنهيد ناي
اسمع دموعه وقرّب لي وقرّب وأقترب
واسألأ عيوني عن طيوفك وقصتها معاي
كيف كانت في غيابك فجأه تطري واغترب
اركض لمنفى خيالي وارمي الواقع وراي
اوجدك ما بيني وبيني واسولف لك واشب
ليلة حضورك قصايد تشتكي لك من عناي
آآآه لا منه بزغ فجر الحقيقه وانسحب
طيفك اللي ساكن عيوني وضاقت بي سماي
وقتها ليتك تحس شعور من حظه ضرب
آخر آماله بعرض الهم والوحده مداي
اكتشف وشلون يموت الصوت برماح الطرب
لحظةٍ جيت أتغنا بك وعاندني غناي
واكتشف كيف السهل فجأه يتحول لي صعب
لا نويت ابكيك ثم أزريت القابي بكاي
أقسم بربي وربك فيني احساسٍ غصب
كل كلي في غيابك ينجذب لك ياهناي
ما نسيتك لو نسى التاريخ أمجاد العرب
وما تركتك الا بين ضلوع صدري وبحشاي
لأنك أكبر من غلا الشاعر لآخر ما كتب
ولأنك أقرب لي من سكوتي اذا عانق شفاي
ولأنك أول من تمكن بي وعلمني أحب
ولأنك الشخص الوحيد اللي يجي في مستواي
صاحبي جمع كلامك ثم بعثرني عتب
والله أن كل شي عادي لا غدى منك وجاي
تمت الإضافة بواسطة :سالم ال فروان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.