عايش حياتي ولا أطلب اللاش
بين الدغايل والمغاشيش
أدغش ولا أدغش ودنيتي أدغاش
لو هي امحلت لابد واطيش
حد يغيب وبالذكر عاش
من حلو ذكره عينك اتطيش
وحدن تشوفه دوم يعتاش
مايعيش لو انت اتقول له عيش
ياحر عينن دمعها طاش
كلماغمضت مدمعها إيطيش
تنعي خفي الجاش ما حاش
الفكر لي جاسه توشويش
ويا وجد وجد من عيش وعاش
حفى جدمه واستد به جيش
تبيب وان ما تب هباش
لو أقصروا عنه المهابيش
يوده على معزبه ببلاش
امن الحواصل والقراريش
سالف زمانه بخيره أعتاش
واليوم غيره بخيره إيعيش
دنيا انهشي ما همني انهاش
لو الغير يبكيه التنقريش
ومادام ربي حافظ الياش
لو أسرط امنك مرش باعيش
ودام المحبه لبعض الأوباش
رفعت نفسي مالتوبيش
يامسلم العهد على ماش
عاماش لنك اتقول ماميش
نوادر الجوهر بلاقماش
ودانات مضغايه مزر خيش
وراس النخيل انكفنه بشاش
نحرقه ولا يظلل مطاريش
وييم فوادي والوجه باش
والناس أتحب التبشبيش
محلاك يا شمسن تبا غباش
ومقساك يومك في تغبيش
يالحر هزري فيك موحاش
أبفى عهزري وبالذهب عيش
هيظتها وأغطشتها اغطاش
وأكرم عليه مسحة الريش
الشاعر محمد بن ناشر السويدي
مجاراة القصيده
أسمعت قولن هاظ له الجاش
مفنود في سوق الطواويش
كل حرف فيها لول وقماش
مطرز بعقد المعاريش
من واحدن له عز جياش
شاف الأسود اليوم وتهيش
كسر العظم يبرى بلقماش
ملفوف عالجبس بتبشبيش
والعين لو تسكنه لكشاش
الدمع ينقشها تنقيش
أثنين كسرهم كلغراش
مايرجع بجمع المغاريش
القلب وان حب التبشباش
والفكر وان صابه توشويش
وأنا مع الأثنين موحاش
فكري وقلبي بينهم طيش
الفكر في سريه ومغباش
طارش ولا فاده التطريش
يلحق على لفواد في شاش
يكفنه قبل الموت ويعيش
كل السبايب ظلم غشاش
وارث على حكم التعشيش
وان صد قالوا الناس له ماش
لوباش تفرح بالموابيش
الزين دومه عكس للاش
يالمستمع لاتقول لي ليش
هذا كلامي كاش في كاش
خله يداغش هالمداغيش
تمت وصلوا عد ماطاش
دمع الرجل في يوم تهميش
الشاعر خليفة بن راشد الوالي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.