فدوه عيونك لو غدى الجرح مفتوق
إن جف دمع القلب ما جف كمه
نوخ جروح الويل في مرتع النوق
و آ خر جروح المبطيات المهمة
تكفى دخيلك لا تزيد العنا عوق
إما يطيب الجرح و إلا تلمه
أكبر مصيبة تجزي الناس بعقوق
ودمعة رجل مقهور من زود غمه
سريت لك درب الهوى جرح مفهوق
و أنته أبو هالجرح كيفك وسمه
جيتك على درب السهر خد مصفوق
مصفوق من كف العنا ما يهمه
محروق صافح لنجا كف محروق
من راقب هموم الملا زاد همه
مجنون لا قلت الحكي رجع حقوق
إلا إذا كان التعامل بذمه
أن كنت خايف من همومي ومخنوق
أهون من اللي ما يحاتي المذمه
كلٍ يحاول يرتقي لي و أنا فوق
هنا مكاني شاعرٍ جيت قمة
لا صرت ضايق وإخرست عني حلوق
أشوف وجه الهم و شلون دمه
رديت قلبي عن هوى كل مطفوق
وكسرت أنا حاجز حجر بنت عمه
لبيه يا للي ما يوازيك مخلوق
يا للي تغار اشفاه من ريق فمه
سيد الحسن يحكي بك الشوف للموق
ويمدح وصالك كل ما جيت يمه
ويرسم حلاتك بسمةٍ كلها ذوق
مرٍ يخص الهرج .. مرٍ يعمه
جزيت لك من داخلي نبض وعروق
و جيت اليتيم اللي تجاهلت ضمه
عاشق بديت و جيت ذا لحين معشوق
كاس الهوى ما يذبحك غير سمه
مرفوق يا خلي وستين مرفوق
إنك دخلت القلب غصبٍ عن أمه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.