يالله يالمعبود ياخالق الكون
يا واحد ٍ كل البشر تلتجيله
إلي من اجله كل خلقه يصلون
وسبحان ربي عادل ٍ كل ميله
الله من هم ٍ جعل حالتي دون
هم ٍ يجي ويزورني كل ليله
دارت بي الدنيا هواجيس وظنون
وأصبحت أعاني من عناالوقت ميله
في قدرة المولى كتب كن فيكون
امرن كتب ماللبشر فيه حيله
يالله يامنجي من درك ذا النون
تشفي المريض إللي المرض هد حيله
أرجيك تشفي إلي من الناس لي عون
عون الرفيق وعون من هو يجيله
إن ضاق صدري قال بالهون بلهون
هون علي لو المصايب ثقيله
من صغر سني لين كبرت لي متون
رجاء عضيدي وكل حمل ٍ يشيله
يشيل همي لو كثر مال قارون
إللي اليا من ضقت جيت اشتكيله
ادري عقب غيبتك يالقرم محزون
لاشك ما ملك للمقدر وسيله
غلاك يابن العم في القلب مرهون
مانسى جميلك وأنت راعي الجميله
وبمشيئت الله عالم كل مكنون
يبري من الحره كبود ٍعليله
يرجع معفى وكل ربعه يهنون
وبقدومه يتم الفرح للقبيله
والخاتمه صلو عدد مايلبون
على النبي وعداد منشت مخيله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.