ياحبيبي جاك قلبى لك دخيل
بين عشق وبين قضبان الهيام
مستحيل احب غيرك مستحيل
ياحبيب الروح ياعذب الكلام
ياجميلة ماحدن غيرك جميل
صرت انا مجنون حبك كل عام
اتغزل فى هواء الطرف الكحيل
واتمتع فيك يابدر التمام
اتخيل صورة الرمش الضليل
واتغنى فى صدى لحن الحمام
من لمحت الخد والعنق الطويل
والعيون اوساع فى لبس اللثام
اتلعثم فيك لا شفت الجديل
يحتوينى شعور فى طول القوام
من نظرت الجسم والخصر النحيل
قلت مافى الكون مثلك ياغرام
فى عيونك ببدع الشعر الجزيل
وفى خفوقى حساس ما منه ملام
لو تغيب الدمع من عينى يسيل
اعتبرها بعد وفراقك حرام
ماعتقد بلقا على حسنك مثيل
اشهد انك منيتى وانت المرام
عشت انا وياه فى درب ٍ طويل
وانتهى مشوار حبى بنقسام
افترقنا والقدر ماله بديل
اعلن الحض الردى حكم العدام
غاب عن عيني عقب ماهو نزيل
وابتعدنا وعلى الدنيا السلام
بان نور الصبح واليوم الثقيل
قلت ليت الصبح يطويه الظلام
فى النهايه قمت من حلم ٍجميل
كل هذا حلم فى وقت المنام
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.