تعالي نحكي القصة بعد ما هزها الإعصار
تعالي نقول للعالم حقيقة علم نسياني
تعالي صفي إحسابك وقولي وش بقى أعذار
ترى ما بعد هاللقيأ سوى توديع الأحزاني
أنا ما جيت أبي شوفك ولا جيتك أبي تذكار
حقيقة جيت أبي أعلن نهاية كل حرماني
على سابق مواعيدي أنا جيتك مع الزّوار
وقبل لا أقرر الفرقأ نزفتك دم بأعياني
سنين العمر أبحرقها مع الماضي بروح النار
أبحرق كل ذكرانا وأفجر نار بركاني
أنا اللي كنت مجنونك وذقت من العذاب أمرار
أنا اللي كنت بك هايم مثل ما كنتي عنواني
أنا حُبك أنا روحك أنا موتك انا التيار
وأنا لولاك بالدنيا مثل لوحة بلا ألواني
أنا أحبك أنا أحبك كثر ما غردت أطيار
وكثر ما شفت بعيونك هلاكٍ دمّر أشجاني
درست بمدرسة حبك وتعلمت أنظم الأشعار
ومشيت الدرب من شانك لأن الحب سلطاني
وحصدت أعلى شهاداتك بشوقٍ يدفع الإصرار
على حبٍ توقعته يكون اسطورة أزماني
وعطيتك كل ما أملك من أول ما بدأ المشوار
عشق وإلا ثقه عميا أو إن العشق أعماني
ذكرتك في زمان الطيش وليل الثلج والأمطار
ذكرتك وأنتي الذكرى ذكرتك روح وجداني
ذكرت وفز لك قلبي مثل فزت غريب الدار
إليا من ظاق به صدره وصاح الشوق لأوطاني
حقيقة حبنا كانت تهز من الوطن أقطار
لأني كنت بأحظانك أنام وشوقي أكفاني
أنا ما جيت أبي أكشف خفايا باقي الأسرار
أنا جيتك أبي أنهي علاقة حبنا الفاني
أمانه روحي بدربك قبل لا نلفت الأنظار
وتناسي كل شي ماضي عليه أسمي وعنواني
وقولي لكل من غرك يعلمك الهوى بإصخار
لأن الحب ما يشفع يسامح كل غلطاني
خلاص الماضي أنهيته كفى لا تسألي وش صار
خلاص أنسي وأبي أنسى غرامٍ فيك ولهاني
يمين الله ما أرجعلك ولا أجيك أطلبك بالثار
أنا من هذي اللحظة أبنسى كل ما كاني
لأنك ما أنتي العمله ولاني عابد الدينار
لزوم أنسى محبتنا لو إن القلب ينساني
وإذا باقي أمل لقيأ فخليها على الأقدار
مصير الحي يتلاقى ونعرف من هو الجاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.