همس المشاعر في بيوت الشعر جاك
يومك يا بوفيصل لشعبك حبيبه
نبدع قوافينا لمثلك وشرواك
انت الذي ظلّل على الشعب طيبه
يا نصرة المظلوم بالخوف ينصاك
والحق لاهل الحق دايم تجيبه
ما شربوا الصافي من الهيبه عداك
وانت بطلبها ما تضيع الطليبه
نبت الخزامى والنفل تحت ما طاك
والى وطيت الارض تصبح عشيبه
عاشت شعوبٍ من فضايل عطاياك
عمّت بعيد المسلمين وقريبه
مكارم الاخلاق كاللبس يزهاك
ثوب التواضع كاسيٍ جسم هيبه
والطاعه اللي بيّنه في محياك
وعطفٍ ولطفٍ مع سماحه وطيبه
يابو اليتامى يا عسى الرب ياقاك
في ظلك المحروم يكبر نصيبه
الشعب كله يبتهج حين رؤياك
تحيطهم بالحب ماهي غريبه
جاني اتصالك يا عسى الروح تفداك
داويت قلبٍ ما عرف له طبيبه
من الهم خفقاته تزايد بلياك
وسمعت كلماتك لنفسي قريبه
ولا طاب قلبي غير من وصفه دواك
ولمسة حنانك للقلوب الصويبه
ابوٍ حنونٍ والعطف من مزاياك
صوتك يداوي القلب مما يصيبه
الى سمعته لوبي الفين دكاك
هانت على نفسي كبير المصيبه
عز الله انك غاليٍ من عرفناك
يحفظك ربي في حضورٍ وغيبه
يا سيّدي قلت القصيده لعيناك
إلا ان وصفك عاجزٍ عنه اجيبه
وغاية منى خادمك يا سيدي رضاك
والحر ما ينطال باعلى الرقيبه
مير الله إن يا سيّد الجود يرعاك
يا عاهل الشعب السعودي وحبيبه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.