حي نظم فيه لكفايه
او مرحبا بالشاعر اوعونه
له شعر شرايط وابيات مطرايه
اوفي المجالس دوم يطرونه
اوله شرايط به إمسمايه
والمطارب يابت إلحونه
او حزت الضيجات له رايه
بين ربعه او لي يوالونه
فايز في الجيش بإدعايه
او في المعسكر تظهر إفنونه
في النظام او وقت لرمايه
دوم في سويحان يطرونه
يالخوي بينت بالغايه
عن صواب القلب واشجونه
بك هوى بوعين مدعايه
والهدب ارماح مسنونه
واليدايل ليل مسمايه
لي نشلها إتغطي امتونه
هو شعل في يوفك إصرايه
لو وجيد ما يطفونه
او من عناه إتييك لغشايه
مستصيب او تطلب العونه
بوحميد الحب له رايه
لي ايشلها الناس يسمونه
شد حيلك اوبك إكفايه
والهدف لا إترد من دونه
واضب إلخلك ابتوصايه
او تابعه لو تنيع إضعونه
لك بوذيبان مشايه
مسعفين إبفزعه او عونه
بالجهد والمال واحمايه
حاضرين إبكل مازونه
بالخوي هالنفس مغرايه
بالحبيب او منه مطعونه
صابني لي ياك في اقصايه
اولا شكيت إلحد مضمونه
طول ليلي إمقاسي اوزايه
ساهر والنفس ممحونه
امرشي او عوقي او دعوايه
هجر خل كالقمر لونه
ارقبه لي شوفه إدوايه
لمرضي لي مايعرفونه
ما حلاته او طلعت الهايه
بخطوات إيسير مازونه
بين كل الخود له رايه
او في الأمر كلهن يطيعونه
وإن بغا بعطيه لولايه
او برتمي في ليت إحضونه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.