كلً يشوف الناس حسب طبوعه
بغني لحوني شوي شويّه
ياحبني للسكة المشروعة
وبعض السكك للغاليه ملويه
ياغاليه علم الغلا موسوعة
ونار الغلا ماتنطفي بالميّه
دلعك والله زاد يا الدلوعة
وخطاك عندي مايسمى سيّه
مشيك سفور ودلعتك مدلوعة
وجه ونحر والا الظهر فالفيّه
فيّة ظهرك قرونك المجبوعه
يابنت موضة قصتك سحريه
تبرجك فاتورته مدفوعه
وفي مشيتك بالغطرسه محميه
وليا صفعتي ما انتي بمصفوعه
يدك الطويله بالغه بالكيّه
كل الشباب قلوبهم موجوعه
تغطرسك من صغرتك جبريّه
عليك كم شخصٍ تهل دموعه
يطلب رضاك وتلبسه جنيّه
يعشقك من يقدر يحشد جموعه
عند الطلب كلٍ فزع بوخيّه
وليا غمزتي غمزةٍ ممنوعه
معها ابتسام الشفّة الورديه
جاك الشجاع مقدمٍ لك طوعه
يوم ان روحه بالغلا مبليه
ما شفت مثلك فالبني متبوعه
وتقدّم الخدمات للعبريه
والذيب عاوي والعوى من جوعه
يسمع بصوت الرمي من عصريّه
صدى قنيبه فج حدب ضلوعه
في مرقبه وتحوفه الرجليه
كلٍ مجهز بندقة ودروعه
يبغى ذكاة الذيب بالشبريه
ومن واجهه بالوجه يقصر بوعه
والغدر والغدرا لهن ماريه
والليل ستره حال دون انجوعه
والبوش ما ورّد على المركيه
صعبة على الرجال حبّة كوعه
والغاليه في سوقها مشريّه
وزود لدلالك سكتك مشروعه
قلته علن لو سكتك ملويه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.