قلت حايل وحن القلب لعيون حايل
وأرزعت في شمال ضلوع صدري خلوج!
من طرت لي..نسيت ان الزمان متمايل
قمت ادوج بغلا..منهي بروحي تدوج
ديرة الهيل..وأرض مرودمات المخايل
ديرة العود الأزرق والصباح البلوج
"منقع الجود" مشراف السعد واالنفايل
عندل المجد وحجاج السحاب الهدوج
ياسنام الذي زم الحمول الثقايل
ياوساع الذي ضاق بوساع الفجوج
جيت لك.. يابعد حي الذي جاك..شايل
طفل احتاج حضن أمه وجاها..دروج!
كل ما أذلج..نهيد الشوق بين النحايل
تلني لك..من المعلوق فكر سجوج!
إيه أحبك..كثر ما بالنشامى صمايل
وكثر ماسيف عنتر لاجل عبلا هروج
وكثر ما أشبع..سخا حاتم بطون الجمايل
وكثر ما عطف مقرن كف دمع يروج
مانزل قدرك اللي معتلي كل طايل
وإن فرضنا نزل فوق السما له بروج
يوم سلمى ل أجا"تقض..شقر الجدايل
والنجوم بنحرك..قلادة يالغنوج
بين شح القصيد وبين جود الخصايل
جيت لك والمعاني وسط قلبي تلوج!
جيت.ماجيت ابمدح بك"عيال الحمايل
الرجل..لا مدح نفسه يصير محجوج
هم هلي..عزوتي..وإن عودت للفعايل
يقصر الشعر عنهم مالحقتهم هروج
ومن بغى ياصفك ياعيطموس المثايل
وش الابكم يقول إن شاف طرف دعوج!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.