فمان اللي خلق ادم وحوا واحكم التكوين
فمان الله لو رحتي غيابك مايهز اغصان
فمان الله ياجرحي ودمعة قلبي المسكين
وعشق الطيش وجنونه وحبا مابغاه انسان
ياحلما والفه قلبي مابين الشك والتخمين
ياجرح الامس في نفسي كتب في صفحة النسيان
نهيته وانتهى عني رضيتي ولاماترضين
بكيفك مو مهم عندي ولا همي من الخسران
بعد ماخنتي احساسي تجيني نادمه تبكين
على بالك انا مادري وش اللي صار في الكتمان
على بالك انا مادري ياخوفي انتي ماتدرين
من اللي خان ياانتي تبي نسئل من اللي خان
اذا منك تبي نسئل على كيفك اذا تبغين
تبي نسئل ليالي الامس تبي نسئل هذاك افلان
تبي نسئل عن اللي صار.. علامك جاوبي تكفين
تبي نسئل بقايا جرح بقايا حشرجة ضمان
وش اللي مابعد شفناه وش اللي مابقى للحين
ياكثر اللي لقيته منك وكثر الهم والاحزان
قتلتي مابقى فيني زرعتي بالحشا سكين
بعد كل ماحصل فيني لازلت بعينك الغلطان
صحيح اني انا الغلطان ,, انا من خانه التخمين
انا من باح لك روحه حسبتك للوفا عنوان
حسبتك كل احلامي ,, حسبتك للعشق توفين
وش اللي شفت انا منك سوى التجريح والنكران
انا ياما تحملتك وجاريت الجفاء بالين
كثر ما كنت انا حبك لحبك صرت انا ندمان
خساره ينتهي حينك وحيني والهواء في حين
خساره قلتها ياهيه نهاية كان ياماكان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.