ملّت عيوني سهرها .. و ما بقى في القلب شَده
يرحل و يرجع حبيبي .. و المشاعر هِيّا هِيّا
عام كامل مر علينا .. اغلى خلاني اعده
و هْوَ محتار بقراره .. لا معاي ولا عليّا
قلت له حب و غرام ؟ .. قال لي وصل و موده
قلت له نبدا الطريق ؟.. قال لي في الحال هَيّا
رحت ابوس الحظ ..لكن .. شفتني ضيّعت خده !
يوم غيّر في كلامه .. و قال ذي صعبه شويه !!
قلت له قسوه و خصام ؟ .. قال فالك ما أرده
قلت له تقوى فراقي ؟.. قال و اتحمل اذيه
رحت مشتاق لسريري و طحت في حضن المخده
ما غفيت .. الا و جاني .. قال صبري عنك عيّا !!!
قلت له امّا تفارق .. ولا باع الوصل مده
لا تلاعبني بطريقك بين روحه و بين جيّه
يوم اجيك بكل محبه .. تستوي للقلب نِده
و يوم اغيب تقول ارجع .. ضاقت بصدري الوطيّه !
روح و ارجع لي بقرار ٍ حازم ٍ ما منْه رده
لا تجيني بنفس طبعك .. لني ناوي لك بنيه
انت و الحب الرمادي .. لعنبو جدك و جده
لك و له مني ختام ابياتي و خذها وصيه
يا تغرقني بحنانك .. او تعذبني بشده
لا تخليني معلّق .. بين قبري .. و الثريا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.