مرحبا حياكم الله في ضيافة قافي
وفي ضيافة من يقول الضيف حياه الله
مرحبا ترحيبة من هاجس مضيافي
الغزيز يجيبها ويخلي المنسله
من يقوم بواجبه للضيف يالعرافي
جعل يمنا مدها ماتنثني منشله
والصدور تفور والالسن لها غرافي
والرجال يميزون الصايبه والزله
البحر لو موجه العالي كسر مجدافي
والله إني مااركب امواجه ولااقرب طله
مير انا عندي ثقه والرمز اظنه كافي
مستحيل اشيل معي السبحه المنهله
يالله التوفيق والمد الجزيل الوافي
والكلام اللي ليا قلته يجمل كله
الكلام اللي يشرفني مع الاشرافي
لو حكوا فيه الضعوف مضيعين المله
ماتغير في مساري كلمة من هافي
اتجاهلها واسوق الخطوه المدله
يوم اراد الله وخططت ورسمت اهدافي
ماحسبت حساب من قلبه يند بغله
احسب حساب الرجال موقرين اللافي
الكرامه والمه والمدخنه والدله
الكرام ابنا الكرام ابنا هاك الاسلافي
النجابه فالصغير من الكبير جبله
شاربين من الزلال السلسبيل الصافي
من سلفهم مرتوين كبودهم مبتله
السيوف الماضيه يوم الفعول تشافي
الفخر في سلها ياحيها من سله
يوم فنجال الشجاعه للشجاع الشافي
بسمه العذراء تصيح وتستظل بظله
والجبان ابن الجبان الهايب الخوافي
يقصر الفنجال عنه ومجلسه فالمله
ول ياهاك الزمن ماانتب قليل إنصافي
الدعاوي بينه محد(ن) عليه ختله
بارك الله فالزمن هذاه ستره ظافي
استوى فيه السنافي والخريش الذله
ياحليم وياعليم بكل شي خافي
استر احوال البشر واجل المرض والعله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.