لاوالله اللي هفهفن الهفاهيف
والليل مل منادم الليل طوله
وراع الهوى كثرت عليه التخاريف
ماغير ينحى الطافحه من شبوله
قامت تكسر في رياه المعازيف
وده بشي ٍ مير ماهوب حوله
لو هو عديم ويرتكي للمواقيف
شبره طويل ويفعل اللي يقوله
والرجل لو يمضي مماضي شبا السيف
لا فاخته حظه ينوخ ذلوله
لكن عسى حظي يعرف المعاريف
يهوى هواي وشف نفسي ينوله
وأنا ليا كثرت مامن تخاليف
هجس ٍ بقلبي قام يجتال جوله
اروج وجاله فالضماير زعانيف
والهم لجلج بين الاضلاع ضوله
مير ارك لي خطو الثلاث المعاطيف
اللي على شف المزاج وميوله
صفر على جال المناره مهاديف
أقصرهن اللي للمقهوي عدوله
عنقا ً على مايشتهي راعي الكيف
فنجالها يبر العماس مهيوله
يبري كما يبري كرم حاتم الضيف
والا كما يبر الشباب الطفوله
والهم من عقب التسلي تكاليف
والضيق من عقب السعه ويش هوله
أقولها ماهيب زيف وتواهيف
والعز ميدان الشرف والرجوله
ماعمري ألحقت المقفي تحاسيف
الا .. ولا ألحقت المقفي مقوله
اشوم وأشرب من قراح القراقيف
يومن تال الوقت كثرت خبوله
وياهل الجيوب مبعدات المحاريف
هاكم بعض قلبي وهاكم رسوله
ودوه لمطني قلوب المواليف
اللي عليه مسرجات ٍ خيوله
وقولوله اصبر لين نملا المغاريف
ونشفي قلوب ٍ بالغرام معلوله
هذا والا يازين ذب المشاريف
ومسامرة ليل ٍ تدلى سدوله
حتى تزين لنا الصور والتواصيف
فافواق بكرٍ بالصحيح معسوله
لاجت تهايا بالورود المقاطيف
عن كل نقد وكل فقد معزوله
وأقرا البراد اللي هبوبه مزاهيف
والوسم عقب سهيل قيل احسبوله
وليا غدا للبرق نور وتكاشيف
ورخم السحاب أرخى قلايد ثعوله
وتلافتن سهف البكار المشاعيف
لملولح ٍ تشهي تلافيع لوله
حرام مأرخن روسهن عقب ماشيف
لين الصبي قدم عليهن رحوله
عاداتنا واليوم صارت تطاريف
نجيه لو انه بعيد ٍ محوله
مع نزل ربع ٍ سلمهم عسر ومنيف
من لابتي وتقول حكام دوله
نمشي بوضح ٍ مثل در الأصاديف
لاقاطرن فالعين دره ولوله
واقفت يداهن مثل وصف المجاديف
وارقابهن يم النجوم معدوله
عقب الربيع يهومهن داعي الصيف
يهوم نظر اعمارهن مانقوله
يبن فاطراف المشاقيق ووطيف
هاك البياح اللي تزاما قذوله
أنا أشهد انه شف حم الأشاعيف
يومن كلن يتبع شفوف شوله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.