يالله يا كاشف عن ايوب بلواه
يا دايم ما غيرك احد يدومي
ياللي خلقت الخلق في الكون واحصاه
وانشا المخايل من نصوب الغيومي
يامطلع في سر عبدك ونجواه
وتسمع دبيب النمل جوف الظلومي
يا من لقلب عذبه هم دنياه
ومصارعه في معجزات الهمومي
لا جت تبارى في منامه مباراه
شي خصوصية وشي عمومي
شي يتركها وشي تحداه
وشي تجي من غير يشعر لزومي
يسري يصارعها على كل مجهاه
والعين من هول الخطر ما تنومي
تسعين ليله يطلب النوم ما جاه
عينه تساهر في القمر والنجومي
يتعب ملاقاها وعار تعداه
وعار يتركها بدون اللزومي
واحتار في ربعه وفي شمتة اعداه
واحتار فا يام بلاها يحومي
رحنا ضحايا في دروب المغاواه
رحنا على ضو الحكايا قسومي
كل يبي يفرض على قدر معناه
وكل يبي حكم على ما يرومي
ياهل الشهامة والقلوب المضراه
ما يبني الشيمة يكون العزومي
كل يترك ما تكنه نواياه
ويزيل من قلبه كثير النقومي
ويترك هل الغيبات واهل المواراه
والفتنة اقوى من شراب السمومي
ربع الفتى سيفه ليا شد يمناه
ويكل لا جا فيه بعض الثلومي
و ربع الفتى عزه ورشده وملجاه
لا من جته الرامية بالسهومي
هذا كلامي يوم جا درب معناه
ابيه ينشر في الصحف والعلومي
والختم ذكر الله ومانعبد سواه
حل المشاكل يا مدير النسومي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.