معنى وبيت

اقوله يوم في المبدا بديت
ومن بدع الرياجيل انتقيت

وله في خاطري معنى وبيت
اغني بعد زانت له ردوده

بنيت الهرج من بال عريف
وانا في نايف الضلع المنيف

مرارانشط بها ومرار اعيف
وافكر في الزمان وفي وروده

وارده في الحلال المرسيات
حلال القنة اللي في ثبات

حلال ما تحزي المكربات
وكل تعجبه ورثة جدوده

من اول والقبايل خابرين
قرون النطح في روس الثنين

وفي القنة ودار ام الحصين
ولا طاح المطر كثرت وروده

نهار الحرب ناره تصطلي
بدا ما قف رياجيل العلي

وتاخذها على وجه جلي
ووجه الله ما تنقض عهوده

ويوم البرق يلمع في الغشين
ونوه من شمال ومن يمين

وشور البوق سووه الثنين
خيال الصدق تشهد له رعوده

وحاربنا وعاقبنا العثور
وجا منا وجا فينا عثور

وحنا ما حتزمنا بالعقور
وكل بعدنا جدد لحوده

حمينا الوجه يوم اضحى النهار
وجينا للقفا تال النهار

وظلا ملتحم مثل العصار
وراع الزود كل شاف زوده

وكل دون ميقافه يغار
في الدور الكبار وفي الصغار

لكن الكيد فيهم والجكار
وهذا الوقت ربي لا يعوده

وبعض الناس يمشي في هواه
ولا واحد ترك علم عناه

وراع الزين ما يخفى ثناه
ولا اشتد الحمل جت له شدوده

زمان دلع الراس الهتيل
وهو ظلا سوات ام الفتيل

ولا يعدل ولا يقدر يميل
وقام اليوم يخبط في بدوده

وارد العلم وامشي به شهار
وسير به على وضح النهار

على البطنين يضوي دار دار
لحاف الراس لا كثرت بروده

وراس العلم هم سموا جعيد
نحازالخصم علم بالوكيد

وتالي الناس تمشي بالتويد
ولا قام الجمل قامت عضوده

حموا شقصان يوم الحظ لاح
بابو ناظور سلطان السلاح

نهار اللي نواهم ما استراح
وطير خابره علمي شهوده

وسير به على سموا ثبيت
ويضوي دار دار وبيت بيت

ضلال الراس لا منك عريت
وكل يمهم قرت حدوده

من الريعان لا وادي لغب
رجال وافيه دون الطلب

ولا يا ويل من جاهم صعب
لهيب النار ما يقوى وروده

وروح من نهارك لا تحوف
تعين في القبايل ثم عوف

مثل روق الشهيرة ماتشوف
بيوت للكرم دامت عهوده

شيوخ ما تفكر في الخطر
عراب الجد من بطن وظهر

ودايم علمهم يمشي قطر
على الميقاف ماضاعت نجودة

وانا ماقدر على فرض النقا
عتيبة غرب والا مشرقا

وبرقا فخرنا فا الملتقا
يقوم الفخر لا قامت عدوده

بني برقا بروق ما تغيب
رعود الموت لا صبت صبيب

تروع بالفعايل كل ذيب
وفعل القوم دايم له شهوده

عتيبة في مواققها عموم
هل البيرق ليا جات اللزوم

تطا الأخطار في برد وسموم
وسهم الحظ حبل الله يقوده

من اقصى نجد لاضلع السراه
ومن جودا ليا سد الحلاه

تريع كل غاوي في وراه
وكل حظه يباري سعوده

مشوا في راية الشيخ الرشيد
ابو سلطان تركي بن حميد

طرد قحطان من نجد الوكيد
وربعه من على جنبه عضوده

وانا وان كان اغني مانسيت
أبو عيضه حزامك لا نصيت

حزام الصدق لا منك نويت
حمى علمه وربعه من بدوده

وذكر المصطفى بعد الكلام
عليه الفين صلوا يا كرام

شفيع الخلق في يوم الزحام
نبي(ن) كل من حبه يروده