يالله إنك تحفظ الأفئدة والعيون - عواد بن طواله
مرثيه بالامير / طلال الرشيد رحمه اللهيالله إنك تحفظ الأفئدة والعيونقبل هذي تذوب وقبل هذي تسيلوش تشيل الصدور وش تشيل المتونما تحمل معاناة المصاب الجليلثالث العيد وأول حزن وأول طعونبين صدري وصدري كل جرح نزيلإن جلست أتنهد وإن وقفت محزونوش نخلي من آهات الزمن وش نشيلغاب وجه حضوره با عتقادي قرون؟ يختفي وجه هاك الضيغمي مستحيلما يجي لو غياب الكون كله يجونغايب بالعيون وحاضر بالدليلوجه أصدق من الواقع بوجه الظنونوجه أطهر من الماء الصافي السلسبيليا طلال انت أنا أعرفك كريم حنونيا طلال أنت انا اخبرك جواد أصيللو عرفت بغيابك وش جرى وش يكونكان ما تاخذ الفرحه وحزنك بديلكان ما تعاطي الناس الغلا والجفونكان تبقى ولو مرة عليهم بخيلأنت دايم على قلوب البشامى تمونيا ملا الخلد يا وجه مثيله قليلليت زيد أبلغ الحاكم بعلم يهونوليتني ما تلقيت النبأ والحصيلليل إسود بعيوني منه كل لونعشت مع زيد هاك الليل .. ليل طويلقلت أبنشدك عن حاله وانا الحال دونقال يمكن جريح وقال يمكن قتيلكل قلب يخاف الله عليه مغبونكن عيني تشوفه يوم جسمه يميلعلى قبرك يابن متعب لحافه مدونكل ما ذعذع الوسمي نصاه المخيلوش فقدنا ؟ فقدنا الشيخ درع المتونيالله المستعان ومنك صبر ٍ جميل
عناوين مشابه
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.