باغلا ثمن خوتـك ياسعـود نشريهـا. لـ إبراهيم بو هندي

باغلا ثمن خوتـك ياسعـود نشريهـا - إبراهيم بو هندي

يارسالت(ن)جت ولا كانت على بالي
فرحت من يوم شفت اللي كتب فيها

نقلت منها الرقم في وسط جوالي
وحفظتها من غلا مكتوب راعيها

رسالت(ن)من رجال(ن)تحتم التالي
وشيوخ قومآ بحاضرها وماضيها

شيوخ قومآ لها بالطيب منزالي
تحم الجلاوي وتاقف دون عانيها

ياسعود يامرحبابك عد همالي
وعدد فروض الصلاه اللي نصليها

يابن الذي لافزع كا السيل الاسالي
يطهر الارض والاشجار يحييها

شيخ(ن)ليا قام يفرح ضايق البالي
لو القضيه قتل لا قام ينهيها

وعرفك تجاره و عز ومنزل(ن)عالي
وباغلا ثمن خوتك ياسعود نشريها

خوتك فيها أفتخر واوصي بها عيالي
لا أنها وسام لرجال(ن)تخاويها

وان قصرت دون مدحك جملت أمثالي
لا بارك الله باولها وتاليها

جريت لرسالتك ياسعود موالي
وراجع الوزن ولحن وغنيها

حتى المشاعر تخير معي المثالي
وتقول هاذي وهاذي عنك نلغيها

من شان مايقتفيها القيل والقالي
لا أنها لبن شيخ وشيخ مهديها

مثايل (ن)طعمها مثل العسل حالي
باسعود بن ناصر ال شافي مسويها

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.