الماء خذا مكانة الدم باهل حُمر العروق
واقرب مثال انه نقص في عروق جيران العراق
صرنا كُتل من ماء تمشي لااحترام ولا حقوق
مع اننا اللي من دمانا تنبت ازهار الرِفاق
أطّيب بِن آخينا يعرض اوجيهنا في كل سوق
واردى بن آخينا يعرّضنا التشرذم والفراق
لاوا لهف قلبي من المقبل من الايام عوق
كني اشوف الوضع توي صار طاقٍ فوق طاق
وضع العرب كالسُكّري من فوق تحت لتحت فوق
هم نفسهم قالو: (أتفقنا إن لا للاتفاق) !!
يارب أنا لاضاقت ألدنيا وخانتني الوفوق
وأخلوني الاصحاب والاحباب وازداد النفاق
أسوقلك نفسٍ تمنى الموت في عز وتتوق
الى الرضاء في نظرةٍ منك لغافل واستفاق
وانا من الدنيا وهلها جايزٍ ماني شفوق
ياكم وياكم سقتها في فج واسعِة ألنِطاق
اليا لقينا الطيبين يجي لهم في البال ذوق
واليا لقينا الخايبين نسوقهم سوق النياق
والله ياقلبي ثم والله لو دريت انك تروق
اني فلا عاد أءمنك.. واقول قلبي قلب عاق
لاعاد تنسى ما لقيت من المخاتل والسروق
ان كان عاد الدم الاحمر في وسط جوفك يساق
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.