ألاحد نور القمر شع وسرابه
وهبته من باردات الجو نودي
مرحبا بلي لهم قدر ومهابه
والله ايحيي وسيعين البنودي
فيصل وسلطان واللافي هلابه
الصدور اوساع والوصل امحمودي
دون راعي البيت هذا بالنيابه
ابن عمي اللي على الزايد يزودي
ارحبو ترحيب قلبن جاب مابه
من غلاكم ياعمى عين الحسودي
واحدٍ لاغاب تزعل من غيابه
واحدٍ لاغاب ماعنه نشودي
انتو احفاد اللذي عنى ركابه
الامام مثبت اطراف الحدودي
المجيء لي عندنا مابه غرابه
ماتجون إلا لوافيين الجدودي
حن لكم في ماتبونا فيه لابه
عز مانملك به انفسنا تجودي
لو يروح اغلا غوالينا هبابه
الولد والمال يفدا بن سعودي
والله لو انشد هنا عشرين جابه
مايوفيكم قصيدي وامعدودي
خير من شعر الغزل ولاّ الطلابه
القصيد اللي بكم قدره يزودي
منتو بحكامنا ؟ انتو قرابه
حن خوان ولأمركم نصبح جنودي
الوفا معكم كتبنا في كتابه
بن لنا معكم مواثيق وعهودي
كان حنا سيفكم فنتو نصابه
وسيف دون انصاب كنه غصن عودي
والفتى في شبته ويش اكتسابه؟
والنتيجه دحدره ولاّ صعودي
العوض في ليث غابه ليث غابه
جعل ماتخلين ياغابة ألاسودي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.