بلاش تعيد وتزيد السوالف وانت ما يمديك
طريقك صعب واحلامك بعيده والغرور اعماك
تعاتب وانت ما تدري خفوقي وش كثر معطيك
على كثر لعطا حديت قلبي للفراق وجاك
اجي لك من هنا وتصد عني واعذرك واجيك
واجي لك من اهناك ونفس ماجيتك هنا وهناك
صحيح اني سمعت بطاري الموت ولمحته فيك
ولكن قلت ابسري واغني لك على ليلاك
وجيك حب عن كل القلوب العاشقه يغنيك
اصيح القلب ما يغلى عليك وماتبي يفداك
عقب ما انهد حيلك والهوى جابك على مغليك
بدا المشوار واللي باقي من عمري بدا وياك
لقيتك ضامي احساس وقصايد قلت اجي واسقيك
ابكسب فيك اجر و الا القصايد فيك وبلياك
تصور من كثر ما اردد اسمك لا طراى طاريك
اصوت لك على الطاري بلا وعي وبلا ادراك
مشينا بالغلا لا خوف ياخذنا ولا تشكيك
وفجاة من ردى عقلك طغيت وغرتك دنياك
قسى قلبك وبعد ما تدري وين الله موديك
تبعتك لا خر الدرب الطويل و ماقصرت اخطاك
احاول فيك اهدي فيك وادري ما لله ابهديك
مع اني صرت احاول لين ماجبت اولك واتلاك
نصحتك واكتشفت ان الوفا بالذات ما يعنيك
اجل ذنبك على جنبك على ما تفعله يمناك
اعرف انك بديت الحرب من نفسك واعترف انهيك
واعرف سلاحك الفتنه اليا وصلت اقصاك
تلمح بالجفا مدري وش اللي بالجفا يغريك
عسى الله ما يحدك للجفا يمي ولا يبلاك
تولم للفراق ولا تفكر ترجع لماضيك
وحرام اني ماجعلتك تصفق اليمنى على يسراك
انا ما قول كلمه وارجع اسحبها عشان ارضيك
مدام رضاك في كسرة كلامي لا بلاش رضاك
ترى ماني صبي اهلك عشان اخضع وابوس ايديك
عسى تنهيني الدنيا لو اخضع واضعف لشرواك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.