الشعر لا خيل براسي خياله
يسيل من وبل الجزيلات واديه
بنات فكري من بعيد تحداله
لاقبل لقى جزل المعاني تناديه
من واقع التجريب يفتح مجاله
وفي صحصح المعقول يطرب تماديه
اما يجيه الجزل والا عناله
على طريق الحق دايم مقاديه
البارحه فكري تعدا خياله
خيل خياله واسود الهم حاديه
نوه غشاء الساحه وماجا قباله
وسيله جلى عن صافي الشعر صاديه
لقيت حال الشعر كلٍ رثاله
من يوم ضيع في طريقه مباديه
ياشين بعض الشعر ياشين حاله
ياقل مدلّه وياكثر غاديه
قافه وطاروقه على الجزل عاله
كن المعاني في حروفه تعاديه
تنسد نفسك لاسمعت لمقاله
ماعاد ودك ترتبط في نواديه
لولاي اسلي خاطري برتجاله
والله مدافع عنه لحظه واهاديه
القاف شاب ونكروا به عياله
مامنهم اللي بالمصالح يفاديه
من عقب ماكانت تورد حباله
تقطعت ماقد تجاوز بواديه
كل يبي ياصل بشعره مناله
كلٍ يبي يكتب وينشر دواديه
بالمال والا الجاه يرفى خماله
تصفيف هرجٍ بالقوافي يقاديه
حتيش لو شعره تبين بماله
مايخدع اهل العرف لجة رواديه
واللي حفظ قدره تحيز لحاله
عافه بعد شافه وكفكف اياديه
لكن بقى شعره على مابقاله
واذا قريته فاح مسكه وكاديه
راح القصيد اللي يشرف مقاله
حمايته كلوا وملوا معاديه
مرحوم ياشعر الفخر والجزاله
سبة سهوم غارقه في ثناديه
تكفون ياهل المعرفه والاصاله
ارثو لحاله دام جاكم مناديه
قلته وانا فكري تعدا خياله
خيل خياله واسود الهم حاديه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.