يامحمد رد كل اللي بقوله عني
كل قولٍ من لساني تحتميه يديّه
اتحمل كل تصريحٍ يجيكم مني
ماتلوى عن تصاريحي سوات الحيه
يوم قلبي في صناديق الضماير حني
جاوبه راس القلم وارعَف على الدوسيه
وانحنى ظهر القصيد وقال يامشغلني
اعتبرني من يدك هاذي الى هاذيه
والحقيقه مامرادي شي يوم اغني
كود ابين حاجةٍ في داخلي مخفيه
والقصيد ليا نهمته مايخيب ظنّي
تنفرج لي لو تضيق الكوره الأرضيه
يامحمد معرفة بعض العرب تمحنّي
في المكان العامّ ولّا الحفله الرسميه
الخبال اللي يضحّك ناس ويفشّلني
مع رجالٍ يكرهون العالم الدّونيه
مير هذا من تحت راس الكرم يومني
كل ماقابلت واحد قلت : يالله حيّه
والمجامَل لو طلع مره تصرف فني
ألف مره تنقلب نتايجه عكسيه
لا بلاك الله براع المستوى المتدني
اندفاعيٍ علومه كلها سطحيه
والنصيفه من شباب اليوم ضحكة سني
والرخامه من شعر راسه ليا سفليه
لو دعوك لحفلةٍ ثم جيتها متعني
ما تحصل من علوم الطيب لو بليّه
والعزيمه كان ماجوها كبار السني
خير لك منها دجاج (القريه الشعبيه)
مير رد العلم عني قلتها واثني
الرخامه صارت اكبر مشكله عصريه
والعرب لو خيروني بين خبل وجني
عندي ان الجني اشوى من هذاك شويّه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.