أنأ بقمى و دايم الراس مرفوع
ولاني من الي دايم البيت فاضي
من لابة تشفيك والعمر مبيوع
أهل الفعول الطيبات العراضى
لاجا نهار فيه نخوات وأفزوع
وذكر البقوم أصبح بسبع الاراضى
والسبعه اللى جالهم صيت مذيوع
نمورالجهانا في حضن والفياضى
رفدان ومحمد وفلحان له نوع
مثل الاسود اليا نوت بانقضاضى
ومفلح وسفر اللى له العلم مرجوع
ومصلح وصالح قرم والشعر هاضى
وحمود ابن طاحوس بالراى متبوع
ودبسان مثله والعدو غير راضى
شيوخ الجماعه والهم السمع والط
وعيوم أشهب البارود جاله شواضى
والاصل يخرله من الطيب فروع
فرع سوات الاصل وللنقص عاضى
والمسك مثله مسك وبريحه يفوع
والبرق في مزنه يجيله نواضى
وابوى شاعي يفعل الخير مربوع
وعماني اخوانه بفعل البياضى
يوم الطراقي ناصيتهم لهم بوع
في الطايف العالم عليهم قضاضى
الناس تسكن عندهم شهر وأسبوع
في مجلس مليان فيهم وغاضى
يوم الفقر والوقت وأيامهم جوع
الناس ماتنكر ولوكان ماضى
عاشو حياة العز وبزينة أطبوع
في بردها وأمطارها والرماضى
وابن خميس مثلهم طيب ويروع
لاجا نهار فيه شبه التماضى
وعواض ابن حشار للحق قاطوع
ولايوم عن درب المهلين جاضي
وحمودابن صقران كم جاله انفوع
وياما وياما للمشاكل يغاضى
ومنسي وابن مران سميان واربوع
في الماقف اللى ما يجيله تناضى
ولاينسى رقيان بالخير ينبوع
من آلاد سامي حاميين الحياضي
وهليل بمكه من النسل مقطوع
لكن فعله باقي(ن)له يلاضى
ومحيسن العاكور في عزمه يزوع
والنعم ذكره كنه البرق ناضى
وزابن ابن زابن في الدرب زعزوع
يوم المواقف واقف باعتراضى
وابن الحميدى شاعر الشمل كرسوع
ماينسى لوكان جاه انقراضى
وتبقى لهم ذكرىوتاريخ مطبوع
ونطلب من المولى يجيب العواضي
وحنا بعدهم كلنا لبعضنا دروع
والراى واحد ما يجيله نقاضى
واللى بغير الصح تراه ممنوع
تحكم عليك الناس من غير قاضى
وأشره على اللى يعرف العلم ويتوع
ويحول المعنى بغير افتراضى
وصلاة ربي عد ماهب ذعذوع
على نبى طاهر(ن)دوم واضى
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.