ياللي من اليوم تنشد ويش فالجعبه !!
أبشّرك .. توّ ما زان الشعر توّه !
أبااكتبه .. من صميم القلب وابدع به
في اللي يمينه بفعل الطيب مكسوّه
إن ما عرفته .. بليّا شك .. تسمع به
ألا إنك اخبيل .. وألا اقليّل امروّه !!
هذاك .. ناصر .. ياطيب اللي تطبّع به
بين العرب تاخذه لربوعه احموّه
والمنصب اللي من الدوله .. تربّع به
يستاهله .. يا عسى ما تنطفي ضوّه
نال الشهادة .. وعين الله تطالع به
ما جابها بالغدر .. والكذب .. والقوّه
كافح .. وواصل مسير ادروبه الصعبه
لين إعتلا المجد ثم إرتاح .. ف اعلوّه
من فوق متنه .. يا كم ( نجمٍ ) تلامع به
- تزهاه لو كانها بحماه مزهوّه
واليوم هذا نماري به .. وندفع به
ناسٍ لتاريخنا .. تاخذهم .. اجروّه
جيت افتخر .. والخصال اللي تجمّع به
يبلش بها شاعرٍ .. طربان .. وامفوّه
حقق لنا كل ما نامل .. ونطمع به
المرجله .. والصخا .. والعرف .. والخوّه
( بِمِثْلِ ما استُقْبِلَ ) لازم نودّع به
بالكيف .. والعود الأزرق .. حضرة اسموّه
على اطهر اتراب نسجد به .. ونركع به
في ظل حكّامنا اللي زادهم قوّه
في ظل قايد حكيم .. امخاويٍ شعبه
هو درعنا .. والذنوب البيض ممحوّه
شاركت .. واقسم برب البيت والكعبه
ما نيب من عرض ناس جات مدعوّه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.