أستغفر الله سبحانه قبل مابتدي
عن كل ذنب وكلام قد يكيل الذنوب
واللي حداني على قولي زمانأ ردي
مافيه خيرأ ولا حصلت منه هروب
تعبت أجامل بيومي في رجاي لغدي
ولا شفت فرقأ عدى!! لحظة شروق وغروب
تعبت/ مليت/ ضقت/ وضاااع كل اجهدي
وأصبحت مثل الأسير مكتفأ ومغصوب
راح العمر والشباب ولاحضنت ولدي
الوقت يمضي وعمري بالحساب محسوب
كني غريبأ وأنا اللي عايشأ فبلدي
وكني جلاوي وربعي من شمال وجنوب
يادوب حصلت شي؟ به سترت أجسدي
ويادوب حصلت لقمه ماعقبها شروب
قضيت عمري وأنا ضد الزمان أوحدي
وحيد وأستقبل الهجمات من كل صوب
والناس مافيهم اللي قلت عنه أجودي
أطيبهم المفتري والشيخ منهم كذوب
حتى قريب القرايب ماغدى مسندي
في شدتي وجه قوم وفي رخاي أمحبوب
لا أحتجته أبعد من أسهيل اليمن والجدي
وإلى بغاني غدى قربي لعينه وجوب
وقفت في وقت كل الناس فيه أتعدي
مجردين العقول !! مجردين القلوب
وقمت أتأمل شقاي ووين بلقا أسعدي
مادام بكره بعلم اللي خلقه أمحجوب
أبعد بخطوات رجلي دون مدة يدي
أسبح عرق,,,ويتلحف جسمي بسمل ثوب
وماعاد به خافيه ياجاهلأ مقصدي
الروح عيت عن اللي فالرجا ماتتوب
هذي حدود الزمان اللي حداني حدي
والله ولوم كان هاذي في نظركم أعيوب
أفرح بجوعي ولا مدة بخيلأ ردي
يمكن تجي مدته مكسية بالذنوب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.