يالله ياللي كلنا منّك وإليك
ياللي بذكرك تستلذ ألسنتنا
وقلوبنا بين اصبعينٍ من ايديك
وان كان ماثبتها ماثبتنا
نهار تلفضنا المقابر ونآتيك
من خشيةٍ فينا نظرنا تحتنا
عريا وزريا خاضعينٍ مداريك
صكة علينا ذلةٍ غاشيتنا
وان ماتهيّت رحمةٍ من مناشيك
والا ترا ما اعمالنامنجيتنا
منك الرجاء وانت الرجاء والرجاء فيك
تستر على خلاتنا فآخرتنا
وترحم جنازة مسلمٍ في حراويك
اغلى جنازة مؤمنٍ فارقتنا
وتغسل ذنوبه بالبرد من حسانيك
وترفع مقامه مع مقام انبيتنا
عبدٍ خجول ومقفيٍ عن معاصيك
متذكرٍ له ساعةٍ قافيتنا
(سامي) عسى اعمالك بقبرك تسليك
وتونسك في وحشةٍ موحشتنا
ويمدلك بالقبر نورٍ يباريك
في جاه من يعلم بغيب افئدتنا
ويلطف ببوك اللي لسانه بطاريك
اللي قضى وقته يربّي ويتنا
وتجبر عزا امٍ ترجي الله وترجيك
اللي عليك من الحزن حزنتنا
وحنّا ترانا من غلا ابوك نغليك
وان مادعينا لك ظلمنا بختنا
اللي على درب المراجل مربيك
مديرنا اللي رافعٍ منزلتنا
يكفيه من جور الزمن فجعته فيك
اللي نبي نبطي وهي موجعتنا
جينا يابوسامي (بسامي) نعزيك
وانته تعزينا على فاجعتنا
مير استعن بالله عسى الله يقويك
على مقاديرٍ خذت ماعطتنا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.