بديت صخر يافكر بديت واحفظ ياورق
بديت هبي ياصبا بديت واكتب ياقلم
مدام مزن الشعر في الخفاق براقه برق
ابي اتفنن في القوافي وانت رفرف ياعلم
شاعر وبادي رحلتي شاعر وكرتي منحرق
شاعر ومثل الناس يطمح ويتمنى ويحلم
انه يحقق ماتمنى قبل ياصل مفترق
دربين من يمشي بها لو قال ابا اسلم ماسلم
دربين مابوجيههن ذرة احساس ولاعرق
دربين من نياتها الشينه تفرق ماتلم
اوجيههن مغسولةٍ من زفت مدري من مرق
متروسةٍ كره وغضب متروسةٍ حقد والم
لكن انا وبفضل من ينجي الغريق من الغرق
عندي عن الدربين خلفيه وبالدعوى ملم
ما أشرق بهرجي في فمي لو اكثر العالم شرق
آخذ من العالم وارد بكاش سلّم واستلم
حنا عيال ادم وحوا كلنا مابه فرق
ياشيوخ ياباشات ياسادات مادري يازلم
الم ترون انه خطا في الوجه تسكير الطرق؟
الم ترون الم ترون الم والم .. والم والم ؟
الم ترون ان التكبر شرك لونه برق
شركٍ بمن نزّل عبس وانزل تبارك والقلم
يابهوات ايش رايكم ناخذ لنا صكت ورق
والمنهزم ياخذ من الفايز على وجهه الم
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.