ياوجودي كل ماشفت نور الفجر بان
وجد عودن وخذت ابله ولاحدن ردها
وياوجودي لاسفر الصبح ووحيت الاذان
جاء عيوني عن حلا النوم شي لدها
وجد من كسرت يدينه وطاح من الحصان
ولالقا حاجه تخبي يجي في سدها
وياوجودي كل ماقلو ان الظهر حان
قمت العن ساعة الحب والعن جدها
كلها من سبة الي ماشفته من زمان
عيطموسن كن نور القمر في خدها
تحسب اني يوم ماجيت في عيد رمضان
جيته صعبه عليه ولاني قدها
والله اني من رجال لهم في الوقت شان
بس وقتي ماصفالي ونفسي حدها
والله اني كل ماجيت مع ذاك المكان
تلد عيني غصب صوبه وانا مالدها
والله اني لالمحته غدت عشري ثمان
وسال دمعي من عيوني وهي ماودها
والله اني يوم جيته معصب وزعلان
لين قال بليز ريلكس نفسك هدها
ومن نشدني قال ماجور ويش فيك اتعبان
قلت له كلمتك هاذي لغيري بدها
حكيها حكمه لو تقول ياليل يدان
لاحكت تقول تمزح وهي من جدها
كنها ضبين تذير وقفا مع طمان
في فياضن غاطن العشب الاخظر خدها
درتن ماتطلع الا بحفل ومهرجان
من بحورن ماعرف جزرها من مدهاء
لو لمحها عادل امام قال بعنفوان
( ايه داء كله يال هههههههوي ) وقبل يدها
شكلها ماله حلي من تبوك الي عمان
سعد ابو من حط يدها بيده وشدها
واهني من شافها شوف في امان وطمان
لابسه روبن حمر والشعور تكدها
والا انا يس امل النغس والي كان كان
عايشن وقتي كذياه جبها ودها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.