الجمرة. لـ عبدالعزيز بن سعود (السامر)

من يلمس الجمره الحمرا كلت كفه

ومن يطفي الجمره اللي داخل فؤادي

جرحك بي العام ياحلو النبا وفه

واجرح مثل جرح سيل يجرح الوادي

حنان عينك يفوح ورجح الكفه

وأنا موازين حبي شوقها زادي

الشوق ولع بروحي واشتعل طفه

ماهمنا هرج حسادك وحسادي

أرجوك بعض العتب ياصاحبي خفه

إلا عن الخافق اللي صاح وينادي

ياحي ذا الشوف أقوله واطلق الشفه

تفوح وردة غلاها عنبر وكادي

زود على زينك اللي فايق عفه

نجمك جديد وتوه بالسما بادي

أنا حبيب لحبك مطلق شفه

حبك بشرع المحبه شيخ مرادي

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

الجمرة