السهر

لـ عبدالعزيز المرشدي، 23/08/08 08:16:48 AM، في غير مُحدد

السهر - عبدالعزيز المرشدي

السهر . والحزن . والذكرى . وتشتيت الحبايب
والغلاء . والبعد . وظروف الفراق . ومشكلتها

والحكي . والزور . والبهتان . وكبار المصايب
والعلوم الجارحه . والكذبه اللي صدقتها

آااااااه ياشوف العنود اللي عليها القلب ذايب
ليتها تسمع علوم اللي تهمه سالفتها

علموها إن الزمن دوّار والكذّاب خايب
لا تصافح للكفوف الخاينه لو صافحتها

لا تصدق بي علوم الحقد . وعلوم ٍ غرايب
يابعد كل العيون اللي بعد غابت بكتها

من غلاها لو قست في حكمها ما ني بتايب
ولو تنحّت كل احاسيس المحبه مالكتها

عن سواها . عن سواها خاطري مقفي وطايب
وغيرها لو جاتني تدفع رضاها ما سوتها

نذر ما انساها قبل تركز على قبري نصايب
سيطرت على كياني . والمشاعر عانقتها

علموها لا تسوي بي بهاذيل وطلايب
وعلموها اني وضعت القلب امانه برقبتها

وعلموها إن الغلاء لعيونها دون الحبايب
بس لاتجلعني إضحيه . وتكبر مشكلتها

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.