يامن يخبرني - عبدالعزيز السعود الصباح
يامن يخبرني عن الحق وينههو مات والا من طغى الناس هايماسأل وما القى أحد استعينهعنده جواب يطمن البال دايموالحق بس يذكر ولا شايفينهحرفين نسمعها من الناس دايملو كان به حق تبيّن ابحينهفي عالم كلّه ذنوب وجرايماما الصحيح وكلّنا عارفينهالحق للقوّه وذا له علايمكم حقٍ راح ومالقى من يعينهوالزور بالقوّه يحوز الغنايموانا عرفت أهل الحسد والضغينهاللي يحبون الفتن والشتايموشرايكم يا اهل العقول الرصينههل تسمحوا لي ذكرهم في قوايمليش استفزوا غيرهم تاهمينهما فكروا باوضاعهم والهزايمواللي يصير بمالهم مشترينهمايرفضون بسوقهم كل سايمقالوا تصبر والصبر ذاكرينهقلت الصبر دايم يهد العزايموالمقتدر يفعل وتاصل يمينهمابه صبر الا اذا كان شايمدنيا تدور ولا تحب السكينهتاطا على درب السهل والعدايملو دامت الدنيا على حال زينهماصار فيها من هموم وظلايماحدٍ يعاف الزاد نفسه حزينهواحدٍ من الفرحه يقيم الولايمواحدٍ بأطماعه يدنّس يدينهدايم بتفكيره على السطح عايميبلغ ومايشبع وحاله زبينهملهوف مايرتاح قاعد وقايمكم جاهل تاتيه فرصه ثمينهويفوز من حظه بما كان رايموكم عالم امضى حلاوة سنينهبحث ودراسه لكن الحظ نايمقد يظفر الثعلب بصيده سمينهيشبع ويرقد في ظلال الصرايماو ربما جاع الأسد في عرينهبعد السمينه ما ظفر بالهلايموالجود اللي يشتهر فيه زينهحيث الكرم هو والمراجل توايمسبحان من انعم علينا بدينهحتى اجعله فينا قوي الدعايمبعض الأوادم له نوايا لعينهودّه على موتك تقام المآتميلقاك لي شفته بنفسٍ وطينهيفرح كما يفرح على الفطر صايمويضم في صدره امورٍ دفينهيضحك وقلبه أسود اللون عاتموهو بظنّه يخدعك في يقينهولا درى انه به الشك قايميامن يخبرني عن الحق وينههو مات والا من طغى الناس هايمتمت الإضافة بواسطة : سالم ال فروان
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.