تفـداك روحــي !!. لـ عبدالرحمن بن خالد

تفـداك روحــي !! - عبدالرحمن بن خالد

عيوني لك ولو تطلب نِفَس روحي بعد يفداك
إلهي اللي خلق حسنك خلق روحي معاك ظلال

مكان اللي تبي تقفى تلاقيني بعد وياك
تلاقي روحي وعقلي وتفكيري معك رحّال

أموت بحسنك وذوقك واموت بشوفك وطرياك
وحبري دوم يسبقني ويشكي كل هالأحوال

أحبك ؟؟ إيه احبك حيل واحب اللي بعد يهواك
هيامي بك وتفكيري وعشقي صار لك بهبال

حبيبي كلمة معناها أبيع الدنيا ذي لرضاك
وأروي فيك أبياتي واقول اللي ابد مانقال

متى ماقلت لي أبغي أفز واقول يالبّاك
أسوي لجلك المجهول وأبني بحبي لك آمال

أنا ابغي قربك المحتوم واطلب طلة محياك
أنا ابياتي تبي قربك حبر عيني عليها سال

أنا لاجيت أتكلم يصدق فيني أي شكَّاك
أنا واحد كلامي غير أنا قولي يهزّ جبال

مدام انك تبي قربي انا ابغي قربك وشرواك
بخلي كل يومك عيد وقولي يعتبر أفعال

واذا شكلك تبي بعدي توكل ربي هو يرعاك
وسلّم لي على حبك وكل دمع ٍ عليكم سال

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.