اثقل الثقلين. لـ عبدالرحمن العطاوي

ثقيل طينه وادم أصله من الطين

وانت اثقل الثقلين يارجل طينه

هرجك دبل كبدي وضحكتك غاطين

وتبغى الفصاحه وانت هرجك رطينه

ذا النون لو جيته تحت نبت يقطين

يعافها دامك نزلت بقطينه

لو حطك الله عن بلدنا بحطين

والا عمدت الهند تنزل بطينه

الهور يصلحلك وذيك المعاطين

بقيط مادري كيف يامبقطينه

ماتجتمع عالين الامه وواطين

ياصبر نجد ومثل ذا ممتطينه

افصحت والا المحت رمز بتبطين

ماحيطته تحتاط من محبطينه

ياسعد ناس عن مجالسك مبطين

وعنك المقاطع بينهم شارطينه

بالله من فراقك ولو يوم تنطين

ياعلة الالباب لمخالطينه

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

اثقل الثقلين