عبد ربه بن عتيّق بن سالم العازمي العتيبي
فات لي وقتٍ عسى الله مايعوده
حيث ماحصّلت منه الا النقايد
كنت جاهل فالزمن بيضه وسوده
منخدع فالامن يوم الامن سايد
نيتي دايم على الطيب امعقوده
وامتمسّك بالسلوم وبالعوايد
احسب إن كل الرياجيل امعدوده
واضحك من اللي يقول النعم كايد
واثر الأنفس كلها خلقت جحوده
مابقي لأهل الوفاء الصادق شرايد
كود من يقدح على الطاله زنوده
وإن وعد تلقاه وافٍ فالوعايد
لاتعاين فالرخاء نقصه وزوده
مايبين الصاحب الا فالشدايد
والجمل يمشي وجمّاله يقوده
والقياده ماتليق لكل قايد
والرخامه والضعافه والبروده
ميزةٍ تعرف بها وجيه الرفايد
الوجيه اللي عن الطيب امحدوده
جعلها فدوة وسيعين البنايد
لايظن العبد في دايم وجوده
كل شئٍ غير وجه الله بايد
من بغا الدنيا فقط ياقل فوده
لاتخيّرها كذا ماهوب فايد
مايفيده فعل اباه ولا جدوده
كان مايخشى بها حر الوقايد
ومن حفظ الاسلام واستوفى بنوده
واخلص لمولاه يبشر بالفوايد
انصح اللي عنك مايعلن صدوده
لاتقف فالمجتمع موقف محايد
وقل لراع البيت لايطرح عموده
ثم يضيعن البناجر والقلايد
لايخليها خروج بدون عوده
يفرح الله .. كان عبده جاه عايد
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.