عبد الله بن مريح الصوع.. نورد له هذه القصيدة المعبرة:
يا الله يا اللي ما تحت قدرته شي قليل
وان عطا عبده من الفضل يجزل في عطاه
يا ولي العرش يا واحد عدل جليل
مجزل المدات ما هو يخيب من رجاه
ترحم اللي من عذابك على روحه ذليل
واغفر الزلات يا رب لا جات الوفاه
رب تبري ذمتي فانك العدل الوكيل
كل من له عندنا حق يسر له قضاه
يا الله انك تعز الاسلام واللي له يميل
الملوك اخوان نوره مطوعة العصاه
اسرة آل سعود تمشي على الدرب الدليل
من يخالف درب الاسلام يعطونه جزاه
شفت شبان الوطن كل عام وكل جيل
كلما فكرت للاول احسن من نماه
كم شباب يحسب انه على الدنيا وكيل
طاغي في شبته لين عاق الله صباه
من هداه الله على طاعته ربحه طويل
لذة للام والشايب يراعي رضاه
طاعة الوالد لها آية وميزان ثقيل
في كتاب الله قد خصها رب البراه
الولد ليما اصلح الله فلا مثله مثيل
مثل من يرجي بعد شدة الفقر الغناه
ما يعوض في الولد لا كثير ولا قليل
الولد فتحة نظر والده والا عماه
يا الله انك تمنح مريح العمر الطويل
وارزقه رزق حلال وطول في بقاه
طول عمر مريح لا يعيل ولا يميل
وان بد لازمك يا مسندي عنده قضاه
ما خذ من ماكر العز والرجم الوحيل
من يعتز منسبه مثل عبد الله لقاه
ما تعز النار ليما اخطت العود الجليل
والردي لو طال وقته تلوى به رداه
خل كل في سبيله ولو حمله ثقيل
العرب يخطون ما به حد قر بخطاه
والدروب اثنين والناس كل له سبيل
كل رجال يقول ان رايه ما وراه
والكمال لواحد ما يمثل به مثيل
طاعة الله بالهدى والحساني مشتراه
جعل من هو يستود المخالف والبخيل
جعل حاله في دبور على طول الحياه
واستود الجار لابد من يوم الرحيل
الرسول موصي كل جار بقصراه
والصلاة على من ارسله ربه بالدليل
الرسول محمد اهدي عليه ازكى صلاه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.