بديت بسم الذي لرضاه بيته يزار
ودالوب الافكارتومادق مزمارها
ياشاكي الهم مال العرف غيره خيار
هاذي مراقي هل الطولات واقدارها
لاتعجبك بهجة الدنيا تراهابوار
ماحالف العزمن لاوالف اخطارها
ومن يستلذالحياة الدوب مثل الحمار
والذيب شرواك نال العز بامرارها
وترا المكابر سبيله للكرام انتحار
وكل ٍ يبا الخير لولا صولةاشرارها
والصغرماينحقر قد فجرالسدفار
وتقصر طوالالشبوح ليا اقفت اعمارها
وان كان يابومحمد صاب رجلك عوار
ليابردجرحها واطول مشوارها
وش عذر كاس الحميا بينّا مايدار
ماغير اناوانت في حانوت خمارها
العب مع الناس والايام صالت قمار
ان ماركبت الهجينه مت تحت زارها
وش نحتري والزهر بيح سدودالنظار
حتى ام سالم بوسطه طايب ٍ كارها
على الاقل الك عند المقبل ابهاعذار
اللي يمين الترف قوته من اسوارها
وعليك بالناقع اللي ماعلقبه غبار
في راس عيطاً ردي النول مادارها
لكن خل المعاني مثل قطر العيار
مدري متى بس شمسك تطلع انوارها
وقلبي ولوقلت يالعطني همومه كثار
وام الكباير تجدا وصل فجارها
ولقحت أبّاعث شقاها يوم حل الدمار
والفاحشه مبتداها كفر ديانارها
لعاد وين العريب اللي يشدالايزار
والخلج ترزم تحت ساطورجزارها
وعلى سبال الحا تثلغ دمي الفقار
واول خراب الديار بضيعة اسعارها
واللي لمسرى الرسول يدّور اكليل غار
ماشال صورة حنان ولا اكبراصرارها
العز ياطالبه ظل السوف الشطار
طيور غيمارجاهاالموت باوكارها
مادامر ٍ قد وضع حجر اساس العمار
منابت السحت ملي الحلق بغبارها
هذا ولاصرت ترقب وقت جني الثمار
بليس يضحك على الايام وغيارها
ولانيب الومك ولابدي لك الاعتذار
معك إلين ام عامر تدخل اوجارها
وان كان مقصدك للميت ترد اعتبار
يارب الايام تجبركسر تعبارها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.