قال من غنى جديد البيوت وشالها
كان به شيطان للشعرشيطاني مريد
مزنة ٍ هلت مطرها وساق خيالها
علت عروق ٍ ضماياوهل لي من مزيد
والخبارالممحله قام يصفق جالها
وام سالم غردت بأعذب الصوت تغريد
وقمت أنقي من رياض الورود أشكالها
وجبتها باقة ورود ٍ تشوق أهل القصيد
لوحة ٍ بالشعرياحي والله فالها
ياسعد من كف صاحبك ماجتك ببريد
وأنت يامشكاي لاجتك فأنت أولى لها
أدري ان أبوسبيل ورى الهقوه يزيد
ياسعدقم معي وانسج على موالها
هات ماورث عميدالقوافي للحفيد
الرجال الى أمس تقديرها بأفعالها
ووقتك الحالي تقدرحسب كثرالرصيد
والحمول الكايده خابرين جمالها
يدي شرهه ماتعنزعلى خضرالجريد
ولايلوق لكل أصيله مثل خيالها
كم صبي ٍ يأكل تراب بالعلم الوكيد
والبلادالعامره خابرين رجالها
أعتزي يأم المداين بهارون الرشيد
من لها غيره الى زلزلت زلزالها
وارجفت سوق النحاسه بصقلات الحديد
وليتني يوم الكحيله تجرحبالها
كان ثاني رجلها والتمني مايفيد
لازبنت أزبن رجال ٍ يذري جالها
من قنص بالتبع بالصيد ماوالله يصيد
وياسعد ماأوزابي الاكلام أنذالها
ويش أسوي بس بمجابه النذل البليد
وياسعد ياويل روحي على قتالها
جرحه ألأول الى طاب جا جرح ٍ جديد
وياعذاب الحال ياخوك من مانالها
دوك جرح الغبن بالصدرغاد ٍ له صديد
وياسعدمايكحل العين شوف قذالها
سيرة ٍ ماجت بمالون مع عنق الفريد
ولوبغيت أنوض رجلي ثناها عقالها
بين تزيين ألأماني وحظ ٍ لي عنيد
واحمدالله عقدة ٍ حلها حلالها
والرجاء بالله هوغايةالرأي السديد
والصلاة الكامله والسلام كمالها
كلهاعلى محمد من الله الحميد
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.