ياكثر الطيبين اللي طواهم هادم اللذات
نشوف المعركه لاكن مابيدينّا حيله
لو أن المعركه خذها وذقها نروي السلات
بدمي اخصامنا من بعد تكبيره وتهليله
لازعزع جدنا مرزوق ناقف مع اهل الوقفات
مثل مبلش نبا نقضي على خصمه ونقضيله
لكن هذا القضاء والقدر ومبلش لو رحل مامات
مدام آخر اعيالاً كل منهم سابقاً جيله
مدربهم على كسب الجميل مطوع الصعبات
رجالاً كل منهم لا تعزوا يعدل الميله
تبرع واحداً منهم بكبده ساعة الأزمات
لبوه ونفتخر في علمه الطيب وندعيله
هذا مطلق شجيعاً من شجيع ويكسب الحسنات
لبس تاج الفخر في الفعل ذا من بين افاعيله
لاكن الأجل لايقدم ولا يرجع وراء ساعات
ليا حان الوعد حان الوعد مرفوض تأجيله
عسى الله يرحمه رجل المراجل صاحب النخوات
اليا عد الوفاء والمجد مبلش من رياجيله
رجل كله تواضع رايته عليا مع الرايات
نعم كله ثقه ماغره المال وماحصيله
عليه اهل اللوازم ورد وصدر ويقضي الحاجات
هذاه يسلفه والاخر من الذود يهديله
وله حسنات والحسنات دايم تطفي السيئات
عساه بجنة الفردوس ماؤه ومنازيله
حزن مبلش يذكرنا الحزون اللي زمنها فات
لكن الحزن مانستسلم لجيشه ولاخيله
يذكرنا بثامر بعد ثامر والزمان اوقات
هذا معه الزمان يشين وذاك الوقت صافيله
ثلاثه عن ثلاث اميه وكم قدامهم هيهات
من اهل المعرفه والطيب والوقت بعراقيله
هاذي دنيا الشقاء فيها الفرح موجود واللوعات
لكن المؤمن اللي يقبل القدر وتهاويله
ابذكر شي من مجد الرجال اللي لهم جولات
رياجيل الوفاء والمجد والطيب وحلاحيله
ابن محسن كريم وعارفه فارس وله فزعات
جبل مثل الجبل حتدته دنياه يلجيله
لاجيت القى الشبب في مجلسه يا مكثر الجيات
وشهودي كل من جاه وتقهوى من معاميله
وبن شلهوب ثامر شيخ قاضي ينطح القالات
يزيل الهم عن من جاه من اقصى الناس يشكيله
يسوق المال برقاب الرجال ويكسب الطالات
قليل اللي من اهل الطائله ياصل مواصيله
فقد ناهم وهذا دربنا وأيامنا عجلات
اضن العلم واضح يفهم العاقل تفاصيله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.