في الشيخ جابر الأحمد الجابر الصباح رحمه الله
الشكر للي مدنا ما زهدنا
منشي الورق فوق العظاة الهشيمه
الله سبحانه لفضله حمدنا
نور لنا بعد الليالي العتيمه
عقب صباح اللي لعطفه فقدنا
شيخ هوى كل الصفات الكريمه
جا اللي على الله ثم عليه اعتمدنا
عنز لنا جابر قوي العزيمه
عاش البالد وعاش حاكم بلدنا
اللي لنا نفسه حنون رحيمه
يشهد له الماضي وحنا شهدنا
بأنه حكيم والسياسة حكيمه
يا شيخنا اللي في قبولك سعدنا
أنشا على الديرة سحاب وغيمه
إليك من كل المدينة وفدنا
ياللي نفوس الشعب عندك حشيمه
لك يا حبيب الشعب نعطي عهدنا
نعطيك عهد من قلوب سليمه
أنت الذخيرة لا تردا جهدنا
نازي عليك إلا لحقنا هضيمه
في حبك الواي على الماء وردنا
نشرب من الماء لو قليبه محيمه
الله يجيرك من حسود حسدنا
يا بو الأرامل والضعوف اليتيمه
والنائب الأول ذرانا سندنا
أبو علي عسى حياته مديمه
عنده صفات مثلها ما وجدنا
حاوي صفات عند غيره عديمه
هو الحكيم اللي يخلص عقدنا
ولا حد شكا من وجود حكمه ظليمه
من خيره الضافي علينا استفدنا
ولطفه يداوي كل روح سقيمه
وشيوخنا ندر حرار من أدنا
أهل الشهامة والنفوس الحليمه
هم بيتنا المبني وقوة عمدنا
إلا التقى وجه الخصيم وخصيمه
اليوم بالفرحة فرحنا وزدنا
والخير بأمر الله ذعذع نسيمه
وذكر رب ما لغيره سجدنا
اللي تخاضع له نفوس عظيمه
وصلوا على الشافع إلا جا عدنا
نبينا اللي سنته مستقيمه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.