وبس !. لـ عاطف الحربي

عساك سالم بس هذي ضروفي

ازريت ابيّنها لغيرك من الناس

وانا لو انْها طايعتني حروفي

ماكنت مثل ( اللحين ) بالحييييل محتاس

قلت : اكسر الروتين لابُد توفي

كم للورق ذابل ,, تمرّه بلا احساس

لكنّ شوفي مو على قد شوفي

مرمي على شط السهر , واطرد انعاس!

ماشفتني كيف اختنقت اب كفوفي :

حبر ٍ يعرّيه السطر / يزفر الباس

و ماشفت ذاك الوقت كيف اب وقوفي

دمع الشوارع سال في دفتر الياس ؟؟

لله دامك حيّ هذي ( سيوفي )

خذها معاك وهات لي ارض و انفاس

وللأرض ناس تموت , واليوم خوفي

لاماتت ارض وعاش من بعدها ناس !

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

وبس !