ياخويّ الجنون اللي جنونه فنون
والله انك تلبّست الجروح اجودي !
تختلف تشبه الحزن اف جميع العيون
تنسكب : غيم وانته بالجفاف اتعدي
علّم الناس , كيف الناس لو يشعرون
تصبح الارض جنّه والفرح سرمدي
ياطويل الشعر والحزن أكتب / تكون
من وراك يترنم كل جرح ٍ ندي
اعْرفك ياصديقي آآآآآه لو يعرفون
كان ماجيت افسّر بالشعر مقصدي
قل : سُميّه وعلّمني جمال الطعون
قل : سُميّه وحسسني ب قيمة يدي
قل : سُميّه وعلّم هالمسا من يكون ؟!
يوم حنّا ب ضَلاَل البارحه : نهتدي
قل : سُميّه وغسّلني ب قلب ٍ حنون
من دموعه تورّق كل حظ ٍ ردي
قل : سُميّه وسافر بي ل ذاك الجنون :
حارة ٍ يحتضر في صدرها مولدي
ضحكة أشجار واطفال وصخب يلعبون
وقصة ٍ من نهايات الغلا تبتدي
قولها واشعل الحيره ب قتل الظنون
حرر الصمت من سجن وقيود اجسدي
وسيّل اللي بصدرك واترك الما يخون
م اذكر اني عرفت ارتاح دون اجهدي !!
والله اني اعرفك بسسسس لو يعرفون
كيف تركض وتركض في عروق اجسدي
ياطويل الشعر والحزن أكتب / تكون
وكلنا من وراك ندلنا ونغدي !
ياطويل الشعر والحزن أكتب / نكون
وكلنا من وراك ندلنا ونغدي !
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.