قصيدة الشاعر أحمد المرزوقي
سلام ياشخصاً نعزك ونغليك
يا أبو سعود ألي رفيعاً مقامك
منا لك أكثر من تحيه تحييك
نهدي تحايانا لراعي الجهامه
ما غاب عنا يا أبيض الوجه طاريك
لو كان من يمك علينا ملامه
ضروف العمل عيت علينا نلاقيك
وعيت عن السهره بوسط المنامه
وعيت عن ألي من نهوده يسقيك
راع اللجون الي كستها اللثامه
سهم الرموش إليا لمحته يدهويك
يرميك سهمه لين ترجي السلامه
يازين خوتها بجمساً تماتيك
نروى من أللي قد ذبحنا هيامه
هذي بيوتي يا صحيبي كما شيك
يصرف على كل القلوب السقامه
وهذا ردي على القصيده ,,,
يا مرحبا لو مرحبا ما توفيك
ياللي لبست من المراجل عمامه
جاني سلامك وأفتخر في معانيك
يا أبن الرجال الي تروم الشهامه
بانت علوم الطيب فأول مباديك
وطالت يمينك فوق ذروة سنامه
يوماً غيرك ناقصاً عن شواريك
يحسبه لو سلم تجيه الرخامه
لزوم تبليغه لو أنه يعنيك
عطه الكتاب وقل عليه الملامه
وأن كان تشكي لي وتخفي خوافيك
ما ألوم قلبك في ضبي العدامه
ليا مرتك والعين قامت تراعيك
والرمش ذاب وزودتها أبتساامه
ماني بعنها يا أبن الأجواد ناهيك
ما دام قلبك مبتلش في غرامه
أحرص من أللي في غرامه يواشيك
وأحرص على سلم العرب والكرامه
وسلامتكم ,,,
ضيف الله مغرق المرزوقي .
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.