ياذيب لا تجزع مـن الوقـت وتهـاب لــك وقـفـةٍ يــا ذيــب مـحـدٍ جهلـهـا
لـك وقفـةٍ ياذيـب تلـوي بهـا ارقـاب الـنـاس مـثـل الأرض وانـتـه جبلـهـا
غيرك ليا من جات حـزات الانشـاب يبـطـي فعـولـك كـلـهـا مـــا وصـلـهـا
لو وقفوا ضـدك جماعـات واحـزاب
اصحاب حسـد وحقـد وعقـول بلهـا
تبقـى علـم ثابـت لـو ان الهـوا هـاب
كـــل الـحـمـول الـكـايــده تحتـمـلـهـا
وانته وريث المجـد للطيـب كسـاب
ونفسك على كسب المراجـل عملهـا
حريـبـكـم لا شـافـكـم بالـلـقـا هـــاب
وعــدوكـــم لا ذاق نـعــمــه تـفـلــهــا
عزيـت نفسـك عـن مخـادع وكـذاب
ورفعـت روحـك عـن دعـاوي هملـهـا
.
لا تحسب ان الطيب ينفع بالأذنـاب
ومكـايـد الشيـطـان تـرجــع لاهـلـهـا
ما دام لك روضة ومسجد ومحراب
روح بـحـفـظ الـلــي عـبـيـده كفـلـهـا
الله يديمـك عـز فعيـون الاصـحـاب
والله يـجـيــرك مــــن بــــلاوي عللها
ياذيب راسـك عايـش فـوق مرقـاب
تبقـى مـن ازحـول الرجـال وجملـهـا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.