الله من قلب على صالي النار
يزفر من الحرقه وهمه يلوفي
اجاذب الونات والفكر محتار
واعوي مثل سرحان والوي كفوفي
اسباب غروٍ صار ماضي وتذكار
عيت ضروفه لاتوافق ضروفي
والحب عمره ماتنقا ولااختار
يجيك بالصدفه يقود الهنوفي
ويضحك لنا تاره وتاره له افكار
ويضرب على العشاق ضرب الدفوفي
امن اولٍ لاشفت عذرا تبي الدار
اصد عنها والتوي بالشفوفي
وانام تال الليل مابحت الاسرار
ولاسريت الوي بداري واطوفي
وجابتني الصدفه على شارع شهار
وهديت فالسرعه وتم الوقوفي
وجاني وليد اهله من الشارع ايسار
واونست في قلبي رعاده وخوفي
وصار التصادم وانطفت كل الانوار
ونظارتي طارت وبازت بلوفي
ونزلت اشوف الي حصلي من اضرار
واشوفهم لن كان سلمو الحتوفي
وشاهدت مزيونه كما البرق لانار
تبكي ومنها الدم يهرف هروفي
وجينا لياعنده وقلنا له امجار
وياجعل كسرك في محاني ردوفي
يابنت دمعك من على وجنتك سار
واحرق معاليقي وقلبى وجوفي
ومن يومها عقلي وفكري معه طار
مغير انظم اشعار واكتب حروفي
وياعاذلي دمعي على الخد مدرار
والعين من كثر البكا ماتشوفي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.