صالح وانتظاره.!
لـ صالح بن عمار، ، في غير مُحدد
صالح وانتظاره.! - صالح بن عمار
الخفوق اللي يناديني كتابه.غايبٍ عني .... ولا برر غيابه.!ياشموخ القلب لو غيره يبيني.قلّه ان الود .... غنّى بالكتابه.!ايه قلّه شفت صالح وانتظاره.يسهرون الليل .. بعيون الكآبه.!شاعرٍ ماهمني حبك القوافي.الشعر عبدي وانا سيد جنابه.!بالتوجد نرسم ونكتب ونمسح.والغلا ياخذ من اسنيني شبابه.!والله ان الشوق جمره لا توقد.ياعذاب القلب ... والله ياعذابه.!والله انه لو نساني مانسيته.العطر يرسم شعوره وانجذابه.!في كلامه تجتمع كل المشاعر.في سكوته النظر يلقي خطابه.!وقفته وقفة ثقل .. فيها فخامه.ومشيته ...! متعطرٍ منها ترابه.!بالعيون بعيد عني في دياره.وبالشعور القلب اقرب من ثيابه.!ماهزم قلبي ولا مَزّع عروقه.غير ودّه ... حي يومٍ جا وجابه.!كل ذكرى جابته تلقى كرامه.في مداهيل الثريا .. والسحابه.!يازمن بالله قلي كيف حاله.؟ياسفير الليل ..! عجّل بالاجابه.!الغلا دايم يشاركني عروقي.من وريد القلب نقسم له شرابه.!لو خسر ودي وقفّى بالليالي.قلت رابح ..! دام قلبي دق بابه.!
عناوين مشابه
|
|
|
|
|
أحدث إضافات الديوان
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.